Willkommen auf den Seiten des Auswärtigen Amts

Оросын Холбооны Улсын иргэд Герман Улс руу нэвтрэн орох талаар

06.10.2022 - нийтлэл

Оросын Холбооны Улсын иргэд Герман Улс руу нэвтрэн орох талаар

Оросын Холбооны Улсын иргэд хүчинтэй визтэй бол Герман Улс руу урьдын адил нэвтрэн орох боломжтой. Одоо хүчин төгөлдөр үйлчилж буй виз олгох тухай мэдээллийг эндээс мөн эндээс авна уу.

Зарчмын хувьд Монгол Улсын зохих хууль журмын дагуу байнгын оршин суух зөвшөөрөлтэйгээр Монгол Улсад амьдарч буй иргэд Улаанбаатар дахь ХБНГУ-ын Элчин сайдын яаманд визийн мэдүүлгээ өгөх боломжтой. Бусад иргэдийн визийн мэдүүлгийг зарчмын хувьд хүлээн авах боломжгүй юм. Энэхүү журам Беларусь, Орос болон Украинд байнга оршин суудаг эсвэл дайн эхлэх үед дээрх улсад оршин сууж байсан хүмүүст мөн ялгаагүй хамаарна.

Оросын Холбооны Улсын иргэн Германд урт хугацааны виз, жишээ нь гэрээний дагуу удаан хугацаагаар хөдөлмөр эрхлэх эсвэл их/дээд сургуульд сурах виз мэдүүлэх бол онцгой тохиолдол гэж үзээд Улаанбаатарт суугаа Элчин сайдын яаманд өгч болно. Энэ нь тухайн иргэн Орос дахь өөрийн байнгын оршин суугаа хаягын дагуу Германы  төлөөлөгчиийн газарт визийн мэдүүлэг өгөх нь бодит аюулд өртөж болзошгүй тохиолдолд. Энэ нь хүний эрхийн төлөө тэмцэгч, сэтгүүлч, Оросын улс төрийн шийдвэрийг эсэргүүцэгч болон цэргийн албанд татагдахаас зайлсхийсэн иргэдэд нэн тэргүүнд хамааралтай.

Орогнол хүсэх, цагаачлах хүсэлтийг зөвхөн Герман Улсын нутаг дэвсгэрт байгаа хүн мэдүүлэх боломжтой. Иймээс Элчин сайдын яам орогнол хүсэх зорилгоор Герман Улс руу нэвтрэх визийн мэдүүлэг хүлээн авах боломжгүй.

эхлэл рүү очих