Европын Комиссоос гаргасан зөвлөмжийг үндэслэн 2020 оны 3 дугаар сарын 17-ноос Шенгений гэрээний орнууд руу нэвтрэн орохыг түр зогсоосон бөгөөд энэхүү хоригийг 2020 оны 6 дугаар сарын 15-ны өдөр хүртэл сунгахаар тогтоод байна. Европын Холбооны иргэд, тэдгээрийн чөлөөтэй зорчих эрх эдлэх гэр бүлийн гишүүд болон Шенгений гэрээний аль нэгэн оронд удаан хугацаагаар оршин суух зөвшөөрөл бүхий хүчинтэй баримт бичигтэй гуравдагч орны иргэдэд тус хориг хамаарахгүй.
Хорио цээрийн хугацааг Европын мөн Монгол Улсын талаас сунгах боломжтой гэдгийг анхаарна уу.
2020 оны 3 дугаар сарын 23-наас 2020 оны 6 дугаар сарын 12-г дуустал шенгений визийн мэдүүлэг хүлээн авах төв VFS Global Mongolia нь ажиллахгүй. Европын Холбооны иргэдийн чөлөөтэй зорчих эрх эдлэх гэр бүлийн гишүүд болон Шенгений гэрээний аль нэгэн оронд удаан хугацаагаар оршин суух зөвшөөрөл бүхий хүчинтэй баримт бичигтэй гуравдагч орны иргэд виза мэдүүлэх шаардлага гарвал visa-service@ulan.diplo.de хаяг руу захидал илгээнэ үү.
