Willkommen auf den Seiten des Auswärtigen Amts

Шенгений виз

تأشيرة دخول شنغن

تأشيرة دخول شنغن, © colourbox

нийтлэл

90 хоног хүртэлх шенгений  виз


Шенгений гэрээний орнууд руу 90 хоног хүртэлх хугацаагаатай нэвтрэх бол виз шаардлагатай. Шенгений визийг нэг, хоёр болон олон удаагийн оролт гаралттай мэдүүлж болох бөгөөд хагас жилдээ дээд тал нь 90 хоног шенгений нутаг дэвсгэрт байх боломжтой. Зорчих гэж байгаа үндсэн зорилго улс, ихэнх хугацаагаа өнгөрүүлэх шенгений орныг хариуцсан ЭСЯ, Төлөөлөгчийн газарт визээ мэдүүлэх ёстой.

Шенгений гэрээнд багтдаг дараах орнуудад 90 хоног хүртэлх хугацагаар зорчих бол Улаанбаатар хот дахь ХБНГУ-ын ЭСЯ-д визийн мэдүүлгээ өгч болно.

Бельги
Герман
Грек
Дани
Исланд
Испани
Латви
Люксембург
Мальта

Португал

Словени
Финлянд




Визийн мэдүүлгэд бэлдэх

Виз мэдүүлэхэд бөглөх маягт болон аяллын зорилгоос хамаарч бүрдүүлэх бичиг баримтын жагсаалтыг PDF хэлбэрээр татаж авч болно. Лавлах зүйл байвал холбогдох бичиг баримттайгаа ЭСЯ-ны зөвлөгөөний цагаар буюу Лхагва гариг бүрийн 14:00 - 16:30 цагийн хооронд визийн хэлтсээр ирж болох ба Баасан гаригт 09:00 - 13:00 цагийн хооронд 70133925 утсаар холбогдож болно.


Виз мэдүүлэхээс өмнө ЭСЯ-руу элдэв бичиг баримт урьдчилан илгээх, хүргүүлэх шаардлагагүй. Ийм бичиг баримтыг хадгалах боломжгүй учраас тохирсон цагтаа визийн мэдүүлгээ өгөхдөө шаардлагатай бичиг баримтаа бүрэн гүйцэд өгөх хэрэгтэй.

VIDEX-маягтыг бөглөөд хэвлэж гаргах - Шенгений виз мэдүүлэхэд заавал бөглөх маягт


ТӨРӨЛ САДАН, НАЙЗЫНДАА ЗОЧЛОХ Family & Friends Visit

АЯЛАХ, ЖУУЛЧЛАХ Tourism

БИЗНЕС Business Travel & Work-related Trainings

ҮЗЭСГЭЛЭН, ЯАРМАГ, ХУРАЛ, СУРГАЛТАД ОРОЛЦОХ Trade fairs & conference

ЭМЧИЛГЭЭ, ОНОШИЛГОО Medical Treatment

СПОРТЫН ТЭМЦЭЭН УРАЛДААН Sporting Events & Competitions

БОГИНО ХУГАЦААНЫ АЖИЛ Short Term Employment

ОЮУТАН СОЛИЛЦОО Student Exchange, Student Groups

Виз мэдүүлэх

Шенгений виз мэдүүлэхийн тулд VFS-Mongolia шенгений визийн мэдүүлэг авах төвд урьдчилан тохирсон цагтаа биечлэн очих шаардлагатай. Тус Төвд Та визийн мэдүүлэгт зориулж бүрдүүлсэн бичиг баримтаа өгч үйлчилгээний хураамжаа төлөх бөгөөд мэдүүлгийг хүлээн авч байгаа ажилтны асуултад хариулах үүрэгтэй. Энэ үеэр Таны хурууны хээг мөн авах болно.

Виз шийдвэрлэх

Визийн мэдүүлгийг шийдвэрлэхдээ таны бүрдүүлсэн бичиг баримт эрх зүйн шалгуурт нийцэж байгаа эсэхийг хянаж үзнэ. Бүрэн гүйцэд бүрдүүлсэн шенгений визийн мэдүүлгийг шийдвэрлэхэд 5-8 ажлын хоног шаардлагатай. Визийн мэдүүлгийг боловсруулж байх хугацаанд явцын талаарх асуултад хариу өгөх боломжгүйг ойлгоно уу. Зөвхөн виз мэдүүлэгч, түүний хууль ёсны төлөөлөгч эсхүл виз мэдүүлэгчээс бичгээр итгэмжлэгдсэн хүнд мэдээлэл өгнө.

Татгалзсан хариу

Татгалзсан хариуг ЭСЯ бичгээр өгнө. Энэхүү татгалзсан хариунд шалтгааныг дурдсан байдаг. Та дахиад хэдийд ч бичиг баримтаа бүрэн гүйцэд бүрдүүлэн шинээр виз мэдүүлэх боломжтой.

Паспортаа авахдаа 

Зарчмын хувьд Та паспортаа өөрийн биеэр ирж авах ёстой. Өөрөө биечлэн авах боломжгүй тохиолдолд паспортаа авахуулахаар итгэмжлэгдсэн бие төлөөлөгчид үүрэг даалгавар өгч болно. Үүний тулд та доорх итгэмжлэлийг виз мэдүүлэхдээ өгсөн байх хэрэгтэй. 

итгэмжлэлийн маягтыг татж авах

Элчин сайдын яамнаас гарахаасаа өмнө Танд олгосон визийн наалт дээрх бичвэрүүд зөв эсэхийг заавал шалгаарай. Ялангуяа эцэг эхийн ба өөрийн нэр,
зорчих улс, эхлэх дуусах хугацаа, байх хоногийн тоо, хилээр нэвтрэх тоо болон паспортын дугаар зэрэг нь зөв бичигдсэн эсэхийг сайтар шалгана уу. Ямар нэгэн тоо, хугацаа, нэр буруу байх аваас нэн даруй ЭСЯ-ны ажилтанд мэдэгдээрэй. Шалгаж нягтлаагүйгээс үүдэх хожмын үр дагавар, ямар нэгэн санхүүгийн хохирлыг ЭСЯ хариуцахгүй.

 Шенгений виз нь хилээр нэвтрэн орох баталгаа биш. Шенгений нутаг дэвсгэрийн  хилээр нэвтрэх эцсийн шийдвэрийг хилийн шалган нэвтрүүлэх ажилтан гаргана. Таныг хил нэвтрэх үед хүчин төгөлдөр визтэй паспортаас гадна таны санхүүжих баримт баталгаа, байх хугацаа, оршин суух зорилго болон эрүүл мэндийн даатгалын баримтын талаар мэдээлэл өгөх болон өөр баримт бичгийг шаардах эрхтэй. Иймээс та визийн мэдүүлэгт өгсөн баримт бичгийнхээ нэг хувийг (урилга, зочид буудлын захиалга, аяллын эрүүл мэндийн даатгал г.м.) биедээ авч яваарай.

Гааль

эхлэл рүү очих